' Kərə yağlı çörəyin hazırlanma qaydası -Çox dadlıdır
Ön maya üçün:
- Un 140 qr.
- Maya 2 qr.
- Su 200 ml.

Xəmir üçün:
- Un 600 qr.
- Maya 8 qr.
- Su 300 ml.
- Anchor kərə yağı 70 qr. (otaq hərarətində).
- Duz 1 ç.q.

 Xəmiri hazırlamazdan bir gün əvvəl ön maya hazırlanır. Un, maya və su qarışdırılır və şüşə qabda üzəri parça ilə örtülərək isti yerdə 7-12 saat gözlədilir. Gecədən hazırlamasız məsləhət görülür.
 Xəmiri hazırlamaq üçün duz xaric bütün inqredientlər bir qaba alınır. Üzərinə ön maya əlavə edilir. 20 dəqiqə əllə və ya 10 dəqiqə mikserlə yoğrulur. Üzəri bağlı şəkildə 2 saat isti yerdə gözlədilir.
2 saat xəmir 3 dəfə artmalıdır. Əks halda bir az daha gözlədilir.
 Xəmir mayalandıqdan sonra duz 1 x.q. suda həll edilərək xəmirə əlavə edilir. Xəmir kənarlardan uzadaraq mərkəzə doğru qatlanılır. Üzəri bağlı şəkildə 30 dəqiqə daha gözlədilir.
 Hər 30 dəqiqədən bir 4 dəfə olmaqla (toplam 2 saat) xəmir kənarlarından dartıb uzadılaraq mərkəzə doğru qatlanır.
4 dəfə bu proses təkrarlandıqdan sonra xəmir bol un səpilmiş bir səthə alınır. Xəmirin ortasında hava yaratmaq üçün eyni ilə kənarlardan uzadılaraq mərkəzə dogru qatlanır və kündə formasında şəkilləndirilir. Üzərinə bolluca un səpilir. Bir səbətə və ya dərin qaba çay dəsmalı sərilir, üzərinə bol un səpilir. Hazır kündə çay dəsmalının üzərinə yerləşdirilir. Üzəri streçlə örtülərək son olaraq 2 saat isti yerdə gözlədilir. Və ya 6-7 saat soyuducuda gözlədilə bilər.
 Çörəyi bişirməzdən 15-20 dəqiqə əvvəl soba 230 dərəcədə isidilir. Həmçinin çörəyi bişirəcəyiniz qab da sobaya qoyulur. Qabın qapaqlı tökmə dəmir qazan olması şiddətlə məsləhət görülür.
Xəmir bişirmə kağızı üzərinə alınır. Üzərinə ülgüclə və ya iti bıçaqla istəyə görə dərin xətlər atılır. Çörək ehtiyyatla isti qazana qoyulur. Qapağı bağlı şəkildə 30 dəqiqə, və qapaqsız daha 30 dəqiqə bişirilir.
 Bişdikdən sonra çörəyi soyumadan dilimləmək olmaz. Çünki çörək soyuyanadək bişmə prosesi davam edir. Hətta çörəkdən gələn çırt-çırt səsləri eşitmək belə mümkündür.