Sizlərə sarımsaqlı-yağlı toyuq yeməyinin hazırlanma reseptini təqdim edirik.

Toyuğun döş əti 3 ədəd
Zeytun yağı 1 x.q.
Kərə yağı 113 qr.
Sarımsaq 6 diş
Rozmarin (doğranmış) 1 x.q.
Duz istiot zövqə görə

Toyuğun döş əti yuyulub mətbəx salfeti ilə tam qurudulur. Duz və istiot səpilir. 1 x.q. qızğın zeytun yağında hər iki tərəfi qızılı rəng alana qədər qızardılır.

 Döş ətini bişirməzdən öncə mətbəx çəkicinilə yüngülcə döyəcləmək məsləhətdir. Belə olduqda içinin çiy qalma ehtimalı olmur.

Toyuğun döş əti tavadan alınaraq kənarda gözlədilir.
Kərə yağının 1/2 hissəsi tavaya əlavə edilərək əridilir.
Xırda doğranmış rozmarin və sarımsaq yağa əlavə edilir, 1-2 dəqiqə qızılı rəng alana qədər bişirilir.

Kərə yağının qalan hissəsi də tavaya əlavə edilir. Əridikdən sonra toyuğun döş əti yenidən tavaya alınır və sarımsaqlı-rozmarinli yağ üzərinə gəzdirilir.