Tez hazırlanan asan rulet (foto resept)
'
Bu rulet olduqca asan və tez hazırlanır. İçliyi isə öz zövqünüzə uyğun edə bilərsiniz. Qadın.az- olaraq, bu dəfə sizə meyvə qurusundan olan içlikli rulet təqdim edəcəyik.
Lazım olan ərzaqlar:
4 yumurta
1 st. Un
1 st. Şəkər tozu
yarım ç.qaşığı soda
1 ç.qaşığı sirkə
Bitki yağı qabı yağlamaq üçün.
İçlik üçün:
200 q yağlı kəsmik
1 qab qatılaşdırılmış süd
Meyvə qurusu
Üzəri üçün:
Şəkər kirşanı
Meyvə qurusu
Xəmirin hazırlanması:
Yumurta və şəkər tozunu ağ qatı kütlə alınana qədər çalırıq. Ələnmiş unu, sodanıda əlavə edib yaxşı qarışdırırıq.
Sobanı 180-200 dərəcədə qızdırıb, yağlanmış qaba xəmiri elavə edirik. 7 dəqiqəyə biskvitimiz hazırdır.
İçliyin hazırlanması:
Kəsmiyi süzgəcdən və yaxud da ətçəkən maşından 2 dəfə keçiririk. Qatılaşdırılmış südü əlavə edib qarışdırırıq.
Meyvə qurusunu da xırda-xırda doğrayıb kəsmikli kütləyə qatırıq.
Sobadan çıxan biskviti nəm dəsmal üzərinə qoyub, içliyi üzərinə yaxırıq. Ehmalla ruleti bükürük.
Soyuducuda tam soyuyandan sonra üzərini şəkər kirşanı və meyvə qurusu ilə bəzəyirik.
Budur, ruletimiz hazırdır.
Nuş olsun!!!
92 908 baxış
6 şərh
