Parlaq və həcmli saçlar hər kəsin arzusudur.  Lakin daha canlı saçlara sahib olmaq üçün elə ilk olaraq onların yuyulmasından başlamaq lazımdır. Yuyulma prosesi kənardan nə qədər sadə görünsə də mütəxəssislər deyir ki, yanlış saç yuyulması onları zədələyə də bilər.  Bəs görək ümumi olaraq yuyulma prosesi zamanı nələrə əməl etməliyik?
Mütəxəssislər bildirir ki, saçları nə çox isti, nə də soyuq suy ilə yumaq olmaz. Suyun temperaturu təxminən 36-37° C olmalıdır. Saçları yuyarkən başın dərisini bərk sürtmək də məsləhət deyil, yuyucu hərəkətlər yumşaq və yüngül olmalıdır.
Heç bir halda nəm, kifayət qədər qurudulmamış saçlarla yatmaq olmaz. Yaş saçlar quruyarkən dəri uzun müddət ərzində soyuyur. Nəticədə dəridə qan dövranı və saçların qidalanması da pisləşir. Bütün bunlar saçların inkişafına pis təsir edir və  onların daha güclü şəkildə tökülməsinə səbəb ola bilər.
Saçların ancaq şampunla yuyulması daha məsləhətdir, çünki sabun kimi müxtəlif vasitələr baş dərisində və saçlarda olan qoruyucu təbəqəni məhv edir. Nəticədə saçlar xeyli dərəcədə quru olur, daha asanlıqla qırılırlar.
Ancaq şampun seçərkən xeyli ehtiyatlı olmaq lazımdır. İlk növbədə şampunu fərdi saç tipinizə görə seçmək tövsiyə olunur. Normal saçları “bütün saç tipləri üçün” sampunlarla yumaq olar. Əgər sizin saçlarınız qurudursa, onların yuyulması üçün “quru saçlar üçün” olan istənilən şampundan istifadə etmək də düzgün deyil. Saç tipinizə uyğun olan düzgün şampunu tapmaq üçün bir qədər axtarmalı olacaqsınız.
Saçları kifayət qədər nəmləndirdikdən sonra ovuclarınıza bir qədər şampun tökərək onları bir-birinə sürtüb yavaş-yavaş, səliqə ilə başın dərisinə çəkin. Heç bir zaman şampunu bilavasitə başınıza tökməyin və saçların yuyulmasında lazım olduğundan artıq şampun istifadə etməyin! Ovuclarınızla şampunu köpükləndirərək onunla saçlarınızı yuyun. Əgər baş dərinizi dırnaqlarla möhkəm ovxalasaz dərini zədələyərək saçların qidalanma prosesini ləngidə bilərisiniz.
Saçları qurudan zaman ilk olaraq quru dəsmaldan istifadə edin. Dəsmal çox yaş olduğu halda yenidən ikinci dəsmaldan istifadə edilməlidir ki, saçlar daha yaxşı qurusun. Nəm saçları birbaşa fenlə qurutmaq məsləhət deyil. Bu zaman saçlar şox  zədələnə bilər.
Atv.az