Qadin.az saytı 7 ayda 35 kq arıqlayan Samirə Rüstəmovadan müsahibə alaraq, onun arıqlama sirlərini sizinlə bölüşür.

- Necə oldu arıqlamağa qərar verdiniz? Bu iradəni özünüzdə necə topladınız?

- Mənim belimdə 5 ml yırtıq vardı. Uzun müddət müalicə almağıma baxmayaraq bir faydası yox idi. Həkimə niyə belə olduğunu soruşduğumda yüksək çəkimin mənə müalicəmdə əks təsr etdiyini başa saldı. Həmin vaxtlatda mən 105 kq gəlirdim. Və bir gün qərar verdim mən arıqlayacam..

- Ondan əvvəl uğursuz dietaların olmuşdu?

- Oo çox. Bundan əvvəl neçə neçə bahalı dietoloq məsləhətləri, dietlər, dərmanlar. Düzdü bir nəticə olurdu. Ancaq sonra daha çox çəki yığırdım. Uzun müddət arıqlamaq üçün nələr etmişdimsə əbəs. Amma bu metod mənə çox kömək etdi. Metod yaşam tərzinə görə hər kəs üçün fərdi seçilir. Oturaq həyat tərzi keçirənlər və işləyənlər üçün ayrıca… Bunu az əvvəl, AzadQadin.az-ın xanım üzvlərinə də söyləmişdim.

- Bəs, bu dieta ilə necə tanış oldunuz?

- Mən həmin vaxtlarda Rusiyada yaşayırdım. İnternetdə bu haqda çox oxumuşdum. Düzdü inanmamışdım. Bizim şəhərin 2 saatlığında bu metodun konsultantları vardı. Getdim və daha yaxından tanış oldum bu metodla. Hətta, sonralar məni konsultant kimi seminarlara dəvət edirdilər

- Bu pəhrizin nəyi xoşunuza gəldi? Başqalarından fərqi nə idi?

- Burada, əsas səbəb pəhriz deyildi. Arıqladıqca hər geyindiyim geyimimin 1 ölçü azalması məni bir qadın kimi özümə hörmət qoymağa öyrətdi. Yediklərimin əsl dadını hiss etdim. Az yedikdən sonra özümü daha güclü, daha sərbəst hiss edirdim

- İndi isə, bütün xanımların səbirsizliklə gözlədiyi məqam... Pəhriz haqda yazın ) Bu pəhrizi necə tutmaq lazımdır?

- Bu pəhriz deyil. Bu həyat tərzidi. Yaşadığımız günümüzü hər 2 saatdan bir çox az miqdarda yeməklə kifayətlənmək. Yəni doymaq üçün yemək. Və menyunuzdan çox kalorisi olan ərzaqları götürməkdir. Məsələn bir parça kolbasa yerinə bir boşqab sup, ya da çörək diliminin yarısı və bu çörəyi çox az dişləyərək, çox çeynəyərək yeməli. Çünki həmin kolpasada 220 klkal var, amma bir boşqab supda ən çoxu 120 klkal. Səhər yerinizdən qalxanda yeməyinizi yubandırmayın. Axşam yatmazdan 2 saat əvvələ kimi də yeyin.

Çünki bizim orqanizmimizdə 2 cür hüceyrə qatı mövcuddur. Əzələ hüceyrələri və piy hüceyrələri. Piy hüceyrəsi əzələ hüceyrəsindən 17 dəfə aktivdir. Məsələn, bəzi xanımlarımız ac qalmaqla və ya saat 6-dan sonra yeməməklə arıqlayır və sonra həmin çəkininin 2 qatını geri yığır. Çünki biz ac qaldıqdan sonra orqanizmimizə düşən hər kalori ilk piy hüceyrəsi aktiv olduğu üçün qəbul edir. Bu metodun əsas məqsədi piy hüceyrəsini necə deyərlər acmağa qoymamaqdır.

Mütləq çəkinizi bilmək üçün tərəzi alın. Bax, bu mütləqdi. Çünki, bizə bəzən elə gəlir ki, biz arıqlamırıq, amma tərəzi mütləq bunu sübut edir

Bəziləri, işdə olduğu üçün tez-tez yeyə bilməyəcəklərini deyirlər. Mən arıqlamaq üçün qarşıma məqsəd qoyduğumda avtobusda sumkamdan çıxardırdım balaca bir peraşkini yeməyə. Özümə bunu ar bilmirdim. Çünki hər kəs öz dərdindəydi, mən də öz məqsədimdə…

-Şirniyyat yemək olar?

- Hər şey yeyin. Mütləq nəfsinizdən heçnəyi əsirgəməyin. Sadəcə az yeyərək çox çeynəyərək…

- Burada hansı qidalara qadağa var? Və bir də kalorini mutamadi hesablamaq lazimdir?

- Yox yoxdur. Bu metoq heç bir qidaya qadağa qoymur. Sadəcə kaloriyə görə yeməyiniz məsləhətdir..

- Kalorini necə hesablasin xanimlar?

- Məsələn səhər yeməyi 1 parça pendir və yarım dilim çörək, 1 stəkan çay və ya kofe, 1 çay qaşığı şəkər tozu... Bu hardasa 120 kalori edir. Günorta, məsələn bir boşqab sup. Yenə də çörəyin yarım dilimi 140 klkal. Beləliklə yediklərinizi yaşam tərzinizə görə müəyyən edin.

Bəs, kimə nə qədər kalori lazımdır hardan öyrənə bilər? Təxminən, arıqlamaq istəyən adama nə qədər kalori lazımdır?

Oturaq həyat tərzi sürənlər maksimum1500 Klkal, minimum 700 klkal. İş həyatı sürənlər 2000-2500. İşin ağırlığını nəzərə alaraq minimum 1500 1700. Klkal hesablamaq üçün internetdə çox ətraflı məlumat var. Məsələn, youtube-də hərtərəfli baxmaq olar

- İlk ayda neçə kq arıqladınız?

- 1-ci ayda 7 kq arıqladım, çünki arıqlayarkən birinci orqanizmdən ilk olaraq su çəkilir. Su isə tez çəkilir. Sonra aya 4-5 kq... Əsas məqsəd çox çəki atmaq deyil. Əsas olan sağlam arıqlamaqdır.

- Samirə xanım, Qadin.az və Azadqadin.az saytlarının oxucuları üçün arıqlama sirrinizi bölüşmə təklifimizi qəbul etdiyiniz üçün sizə təşəkkür edirik.

- Xanımlara bu sahədə köməyim dəydiyinə görə mən də şad oldum

Müsahibəni aldı: Aynur Qurbanqızı