Yuxu yozam etmirik, inşaallah yuxunuz xeyirlidir. Çünki yuxular onu görən kimsənin vəziyyətinə görə dəyişər. Bu səbəblə yuxu yozma kitabları yerinə, elm və əməldə etibarlı insanlardan soruşulmasını və onlardan məlumat alınmasını tövsiyə edirik.

İslama görə yuxu üç növdür.

1. Saleh yuxu

2. Şeytanı yuxu

3. İnsanın içində yaşadığı hadisələrdən doğan yuxu

Saleh yuxu baş verəcək olan şeyləri hadisəsindən əvvəl fitri istedad ilə idrak etməkdən ibarətdir. Peyğəmbər (s.ə.s.) bununla əlaqədar belə buyurar: "Möminlərin yuxusu peyğəmbərliyin qırx altı hissəsindən bir hissədir."

Şeytanı yuxu şeytanın, insanı qorxudub kədərdən kədərə sövq etmək üçün, yuxu halında insanın ürəyinə verdiyi vəsvəsədən ibarətdir. Peyğəmbər (s.ə.s.) belə buyurar: Sizdən biriniz sevdiyi bir yuxu görsə o Allahdandır. Bunun üçün Allaha həmd edib yuxusunu söyləsin. Xoşuna gəlmədiyi bir yuxu görsə o şeytandandır. Şərindən Allaha sığınsın və onu kimsəyə də açmasın. Yoxsa özünə zərər verəcək.

İnsanın içində yaşadığı hadisələrdən doğan yuxu isə insan bir şeylə məşğul olub onunla çox maraqlandığı üçün haqqında yuxu görər. Peyğəmbər (s.ə.s.) bir hədisdə belə buyurar: Yuxu üçdür. Allah tərəfindən olub müjdə verən saleh yuxu, kədər verib şeytandan

gələn yuxu və insanın öz-özünə bir şeylər söyləyib təsəvvür etdiyindən meydana gələn yuxu.

Yusuf surəsində zikr edilən Hz. Yusuf (ə.s.)ın yuxusuyla əlaqədar ayə ilə yuxarıda zikr edilən hədislər bunu ifadə edirlər. Yuxuların içində haqq yuxular vardır. Ancaq hər yuxu haqqdır və hər yozma də doğrudur, deyilməz. Yuxuya görə hərəkət və yuxuya istinad etmək doğru deyil. Hətta fiqh kitabları bəyan edirlər: Şeytan hər nə qədər Peyğəmbərin surətinə girə bilməsə də Şabanın iyirmi doqquzunda Peyğəmbər (s.ə.s.) hər hansı bir kimsənin yuxusunda sabah Ramazanın birinci günüdür oruc tutun deyə əmr etsə də bu yuxu ilə əməl edilməz.  

Yuxu və ilham ilə əməl etmək

Yuxular və İlhamlar: Rəbbani və Rəhmanı, Şeytanı və Eqoist ola bilərlər. Bu səbəblə aralarını yaxşı təyin etmək lazımdır. İslam alimləri bu mövzularda bu üç şərtin yerinə yetirilməsi vəziyyətində əməl edilə biləcəyini, amma heç kimi məcbur etmənin doğru olmadığını ifadə edərlər.

1. Görülən yuxu və ya ilham, dinimizin əmrlərindən birini qaldırıcı və ya qadağanlarından birini də halal edici cinsdən, yəni dinə zidd və sünnəyə zidd olmayacaq.