' Mənim 37 yaşım var və artıq çox illərdir ki, London və New Yorkda həmin o “yeganə və təkrarsız xanımı” axtarıram. Bəzilərinin tənha subaylıq həyatı xoşuna gəlir, lakin mənim üçün belə həyat iztirabdır. Bəlkə bu ona görə belədir ki, mənim ekiz qardaşım var.

Lakin birdən-birə dərk etdim ki, ola bilsin əbəs yerə bu qədər illəri işə və səfərlərə həsr etmişəm.

Odur ki, BBC-nin “Horizons” proqramı üçün belə bir material hazırlamaq qərarına gəldim: tanışlıq saytlarına elmi yanaşma mənim uğur şansımı artıra bilərmi?

Mənim həyatda rast gəldiyim birinci problem gözəgəlimli olmamağımdır.

Mənim üçün tanışlıq saytında şəxsi anketi doldurmaq işin ən çətin və xoşagəlməz tərəfidir.

Bundan başqa burada sən özünün “ideal saydığın partnyoru” təsvir etməlisən. Bu mənim üçün ən xoşagəlməz bir məqam idi, çünki bunda bir az da seksizm vardı. Bundan başqa, əlbəttə, gərək həm də böyük nikbinliyə və yaxşı təsəvvür gücünə malik olasan.

Mən kömək üçün London Kraliça Mariya Universitetinin professoru Xalid Xana müraciət etdim. O internetdə tanışlıq mövzusuna aid onlarca elmi işin müəllifidir.

Bu mövzu onu yalnız elmi tərəfdən cəlb etməyib. O özünə heç cür qız tapa bilməyən bir dostuna kömək etmək istəyirmiş.

Bu mənə əsl dostluğun ifadəsi kimi göründü, xüsusilə də ona görə ki, professor Xanın yazdığı məqalədə böyük həcmdə informasiyanın təhlili verilmişdi. Onun araşdırmaları göstərib ki, tanışlıq saytlarındakı bəzi profillər digərlərindən daha cəlbedicidir.

Yeri gəlmişkən, bu elmi təhlilin təntənəsi kimi professor dostuna həmin o qızı tapa bilib və indi dostu özünü çox xoşbəxt bir insan hesab edir.

Xalid Xan deyir ki, profilinizdəki informasiyanın 70 faizi özünüz barədə olmalıdır. 30 faizi partnyorunuzdan gözlədiyiniz keyfiyyətlərə həsr etmək olar.

Tədqiqatlar göstərir ki, bu nisbətdə doldurulan anketlər diqqəti daha çox cəlb edir, çünki insanlar özlərini daha asudə hiss edir və sizə bir-iki kəlmə yazmaqdan çəkinmirlər. Mən bu yanaşmaya inandım.

Amma başqa nəticələr də var. Məsələn, qadınları kişilərdə adətən kişilik, mərdlik və riskə hazır olmaq keyfiyyəti mehribanlıq və özünü qurban etmək hissindən daha çox cəlb edir. Mən də düşünürdüm ki, mənim təbib işim bu məsələdə müsbət faktor kimi qitymətləndirilə bilər.

Xan məsləhət görür ki, “məndə böyük yumor hissi var” yazmaqdansa, bu hissi nümayuiş etdirmək daha yaxşıdır. Deməyə nə var, demək asandır.

O həmçinin mənə məsləhət görmüşdü ki, tanışlıq saytında əlifbanın əvvəldə olan hərfləri ilə başlanan adı seçim. Bir çoxları şüuralrtı düşünürlər ki, əlifbanın ilk bir neçə hərfləri ilə elmi və peşəkar uğuru olanların adları başlanır. Odur ki, mən bir müddət Xand yox, Aleks olmağı qərara aldım.

Nə qədər qəribə görünsə də bu məsləhətlər çox faydalı nəticələr verirdi.

Məni düzgün başa düşün: anket doldurmaq zəhlətökən işdir, amma mən bilirdim ki, anketin bir neçə bəndinə yaxşıca diqqət yetirmək lazımdır. Bu məni boş anket qarşısındakı qorxu hissindən azad etdi və çox sərbəst bir şey yazdım.

Profilim dərc olundu, lakin bu məqamda bir problem ortaya çıxdı: Mən əslində kiminlə görə getməliydim?

Sonsuz sayda namizədlərin arasında seçim etməkdə mənə riyaziyyatçı Hannah Fry köməklik göstərdi. O çox maraqlı bir strategiya verdi.

Optimal dayanma nəzəriyyəsinə əsaslanan metod çoxlu variantlar arasında ən yaxşısını seçmək imkanı verir.

Mən Tinder əlavəsində 100 qadının profilinə baxmaq üçün vaxt ayırdım. Tinder barmağın hərəkəti ilə işləyən svayp üsuluna əsaslanır (barmaq sağa sürüşür: tanış olmaq istəyirəm, barmaq sola sürüşür: istəmirəm).

Mən qərara gəldim ki, barmağımı bircə dəfə sağa sürüşdürüb ən yaxşı variantı seçim.

Əgər ilk bir neçə namizəddən birini seçsəydim, sonradan rastıma gələcək daha yaxşısını görməyə bilərdim. Lakin əgər həddən ziyadə uzun müddətdə axtarsaydıım, uyğun gəlməyən variantın qarşıma çıxması tamamilə mümkün idi.


Alimlər məsləhət görürlər ki, internetdə tanış olarkən dərhal xoşunuza gələn variantın üstünə atılmayasınız
Əgər namizədlərin seçilməsi üçün alqoritmləri işləmiş riyaziyyatçılar düz deyirlərsə, onda gərək uğur qazanmaq üçün rastıma çıxan ilk variantlardan 37 faizini rədd edim.

Yalnız bundan sonra mənə başqalarından daha yaxşı görünən namizədi seçə bilərəm. Belə olduqda seçdiyim namizədin uğurlu olacağı şansı, nə qədər qəribə görünsə də, yenə də 37 faiz idi.

Yalan danışmayacağam, mənim üçün ilk 37 qadını dərhal rədd etmək asan bir iş olmadı. Çünki onlardan bəziləri doğrudan da çox gözəl idilər. Amma mən qoyulmuş qaydadan kənara çıxmadım və ilk 37 namizədi ötürdükdən sonra başqalarından daha çox xoşuma gələni seçdim. Nəticədə ilk görüşüm çox uğurlu oldu.

Əgər bu nəzəriyyəni mənim indiyədək baş vermiş görüş və münasibətlərimə tətbiq etsəniz, mən dərk edirəm ki, indiki münasibətim bunların arasında ən sağlamıdır.

Bu strategiyanın riyazi əsaslandırılması ağla gəlməyəcək dərəcədə mürəkkəbdir, lakin dərindən düşünsək, biz bu cür seçimdən həyatda istifadə edirik. Biz münasbətlərimizin ilk üçdə birində həm əylənir, həm də təcrübə toplayırıq. Amma elə ki, nəyi istədiyimizi anlayırq, biz bu münasibətlərdən sonrakı namizədin üstündə dayanırıq.

Amma ən əhəmiyyətlisi bu idi ki, mənin əməl edəcəyim alqoritm də mənə məhz belə bir strategiya təklif edirdi. Buna görə də ilk namizədləri rədd edəndə o qədər də çox vicdan əzabı çəkmirdim.

Onu da deyim ki, bütün bunlar mənim özümdən də kimsə imtina edəndə, bunu rahat yaşamama imkan verdi. Xan bu qənaətdədir ki, bunları düşünürəmsə, deməli riyazi baxımdamn da düzgün yoldayam.

Siz əgər oturub gözləməkdənsə, kimisə axtarırsınızsa, onu tapacağınızın şansı artmış olur. Riyaziytatçılar sizə isbat edə bilərlər ki, səngərdə oturmaq heç də sərfəli bir iş deyil.

Tinderdə partyorun tapılması modeli riyazi hesablamalar üzərində qurulub
Qızla bir neçə görüşdən sonra, təbii ki, onunla gələcəyimin olub-olmayacağı barədə düşünməyə başladım.

Bu məqsədlə Match.com saytının məsləhətçisi və antroploq Helen Fisher-ə müraciət etdim. O maqnit-rezonans tomoqrafiyası (MRT) müayinəsindən keçməyi təklf etdi.

Mənim ekiz qardaşım Chris əlində arvadı Dinanın şəklini tutaraq MRT skanerinin altında uzanmağa razılıq verib. Hamını sevindirən bu oldu ki, onda beynin sevən adamlar üçün xarakterik olan tipik fəallığı qeydə alındı.

Tədqiqatlar göstərdi ki, Chrisdə, həzz və məmnunluq duyğusu mərkəzi sayılan orta beyin qapağının ventral nahiyəsində qeyri-adi yüksək fəallıq var.

Bu zaman məntiqi düşünməyə cavabdeh olan zona fəaliyyətsizləşmişdi. Nevrologiya baxımından bu o demək idi ki, Chris divanə bir məhəbbət yaşayırdı.


Nəticələr belə alınıb. Diaqnoz: Divanə məhəbbət
Doktor Fisher izah edir ki, vurğunluq sizə partnyorunuzla uğurlu münasibətlər vəd etmir, çünki bu sahədə uğur sırf subyektiv bir anlayışdır.

Elə bu sözlərlə də mən özümün internetdə tanışlıq sahəsində olan şəxsi təcrübəmi yekunlaşdırmalıyam.

Tanışlıq saytları, əlbəttə lotoreya kimi bir şeydir. Burada riyaziyyat qanunlarına əsaslanan strategiyanın tətbiqi uğur şanslarını xeyli artırır. Lakin son nəticədə riyai strategiya sizə ürəyinizcə ola biləcək və münasibət qurulmasına dəyən müəyyən adamları təklif edə bilər.bbc