Qadin.az sayta gələn oxucu məktubunu təqdim edir.
Kişi xəyanətlərinin çoxu qadının hamiləlik dövrünə düşür. Uşaq olan kimi çıxırlar başqa qadın ovuna.
Təbii ki, çöldəki də boş oturmayıb bacardığı qədər onu ailəsindən soyudur.
 Bu da nəticədə çıxılmaz yollara aparır evlilikləri.
Bütün bunlar onu göstərir ki, keçmiş nəslin fəxrlə oğlum dediklərinə zərrə tərbiyəsi olmayıb.
Cinsi tərbiyə yox həddindədir. Ona görə də azğınlaşma başlayıb. Bir kişiyə ki, hər şeyi rəva gördülər, o gündən də kişilərin "təbiəti" azdı. Əxlaqsızlığa genetik kod donunu geyindirmələrinə ancaq axmaqlar inana bilər. Yad qadınlarla (kişilərlə) əlaqədə olmaq insanı arsız və həyasız edir. Həyası pozulan bütün kişilər də evdə arvadlarına zülm edirlər. Çünki çöldə taylarını-özləri kimi həyasız birini tapırlar. Ailə anlayışını idrak etməyən bir təfəkkür isə nə qədər sadiq qala bilirsə, o qədər sadiq qalır. Evdəki qadın onun xidmətkarına çevrilir. Və maddi azadlığı olmayan qadınlar zamanla acizləşirlər. Amma bir cəmiyyət oturub düşünməlidir ki, bir qadın nəyə görə həyasız ərinin acizi olmalıdır?! Qızları oxudun deyə bar-bar bağıranların səslərini kəsib, "əri saxlayar" deyənlər, qadını ev heyvanı qismində görənlərin yetişdirdiyi nəsildir bu. Əxlaqını itirmiş, ağıldan kəm və həya pərdəsi yırtılmış. İndi bu cəmiyyətə yetişən uşaqların çoxu da bu ailələrdə böyüyür. Əziz qadınlar, bir düşünün görün, kimin uşağını böyüdürsünüz? Ona layiq ata verə bilmisiniz mi?!